EN COURS DE CONSTRUCTION
SIOKA NY MANINA
Lahy o!
Siokan’ny manina
Roy e!
Siokan’ny manina
Irery ami-toera-mangina
Tsy misy izay mba iresahana
Ny hiran’ny fo no tsindriany
Sioka no feo iarahany
Tsy fantany akory izay mety
Mahatonga ny sioka tsy fidiny
Fa tampoka teo, teo vetivety
Dia lasa tsy tana tsy fidiny
Lahy o!
Siokan’ny manina
Roy e!
Siokan’ny manina
Angamba izay mahatsikaritra
Mihevitra azy ho adala
Kanefa diniho maharitra
Fa manina ny olo-malala
Ny hira niaraha-nikalo
No nahatonga azy hahatsiahy
Ka taitra ny olo, ny olo-nandalo
Nahita azy very fanahy
Lahy o!
Siokan’ny manina
Roy e!
Siokan’ny manina
Ny fony ao anaty izay ditsoka
Kosehin’ny hiran’ny manga
Ny vetson’ny sioka miritsoka
No toy ny mameno ny banga
Mijery izy fa tsy mahita
Izay tiany ho fantarina tsy hay
Raha tsy ny sioka no hita
Tsy nety nipody ny sainy
Lahy o!
Siokan’ny manina
Roy e!
Siokan’ny manina
EN COURS DE CONSTRUCTION
Tags associés :
Sioka, manina
J'kaz !
0
